Aкција за пошумување

На 3ти Декември се одржа петтата по ред акција за пошумување на ридот Баир организирана од граѓанската иницијатица Зелен Баир и Center for European Development and Integration .Спонзор и на петтата акција за пошумување беше BV Business Group која како општествено одговорна групација на компании секогаш ja препознава заложбата за ревитализација на зелениот појас над нашиот град и помогна во набавката на садниците и активно се вклучија во пошумувањето. Во садењето активно зедоа учество вработените на BV Business Group заедно со нивните дечиња. Во овогодинешната акција 50-тина учесници од сите возрасти засадија 500 зимзелени садници од црн бор на потегот над црквата Св. Четириесет Маченици во месноста Кркардаш. Дополнително значење на акцијата и дава тоа што преку неа секоја година најмладите кои со своите родители се дел од акцијата се учат за природата и заштита на животната средина и ја развиваат навиката и свеста за потребата од садење и заштита на дрвата и шумите.